Sibt annimal protett f’diffikultà? Inti mħeġġeġ tirrapporta immedjatament lill-NTM-FEE Malta jew lill-ERA permezz tat-telefown (NTM-FEE Malta: 9999 9505; ERA: 22923500) jew permezz tas-Sistema ta’ Assistenza Klijenti tal-ERA.

Il-bijodiversità sinjura ta’ Malta hija xhieda tal-wirt naturali tal-gżira, u l-protezzjoni tal-firxa diversa tal-speċi tagħha hija responsabbiltà kollettiva. Fid-dawl ta’ dan, l-Awtorità għall-Ambjent u r-Riżorsi (ERA) qed tappoġġja u tikkofinanzja proġett immirat għar-rijabilitazzjoni ta’ annimali selvaġġi protetti. L-ERA tikkollabora u tipprovdi appoġġ lil Nature Trust-FEE Malta (NTM), kemm f’termini ta’ trattament u kura veterinarja u mediċini, kif ukoll fir-rijabilitazzjoni u r-rilaxx lura fl-ambjent ta’ dawn l-annimali. 

Fl-2023 biss, l-NTM irċieviet madwar 700 rapport mill-pubbliku dwar annimali selvaġġi li kienu jeħtieġu xi tip ta’ assistenza. Dan l-interess, dejjem jiżdied, juri l-impenn tal-komunità biex tissalvagwardja l-fawna ta’ pajjiżna.

Fost il-każijiet irrappurtati, il-qanfud huwa l-aktar speċi li ltaqgħu magħhom, segwit mill-qrib mill-fkieren tal-baħar. Madankollu, il-lista ta’ annimali f’diffikultà hija estiża għal, u tinkludi x-xaħmet l-art, is-sriep, friefet il-lejl, kamaleonti, gremxul, wiżgħat, ġrieden ta’ geddumhom twil (shrews) u anke ċetaċji bħal delfini. Filwaqt li xi wħud minn dawn l-annimali nstabu mejta, il-maġġoranza jiġu salvati b’suċċess u jgħaddu minn perjodu ta’ rijabilitazzjoni qabel ma jiġu rilaxxati lura fl-ambjent naturali tagħhom.

Ir-rijabilitazzjoni u l-ħelsien b’suċċess ta’ dawn l-annimali ma kinux ikunu possibbli mingħajr il-viġilanza u l-azzjoni rapida taċ-ċittadini kkonċernati. Bir-rapport fil-pront ta’ sightings ta’ annimali protetti f’diffikultà, membri tal-pubbliku kellhom irwol kruċjali biex jiżguraw li dawn il-kreaturi jirċievu l-kura u l-appoġġ meħtieġa.

Il-Wildlife Rescue Team ta’ Nature Trust Malta huwa ddedikat għas-salvataġġ, ir-rijabilitazzjoni, u r-rilaxx ta’ annimali f’diffikultà, u kien minn ta’ quddiem f’dawn l-isforzi. Ix-xogħol bla heda tagħhom, flimkien mal-appoġġ finanzjarju mill-Awtorità tal-Ambjent u r-Riżorsi (l-ERA), ħalla impatt sinifikanti fuq il-preservazzjoni tal-ħajja selvaġġa diversa ta’ Malta. Il-pubbliku huwa mħeġġeġ jirrapporta immedjatament dwar kwalunkwe osservazzjoni ta’ annimali f’diffikultà direttament lill-NTM-FEE Malta (9999 9505) jew lill-ERA, u dan jew permezz tat-telefown (22923500) jew permezz tas-sistema diġitali tal-Customer Care tal-ERA.