​​Mil-lum 1 ta’ Ġunju 2022, is-Servizz Pubbliku għandu kap ġdid: Is-Sur Tony Sultana.

Is-Sur Sultana nħatar Segretarju Permanenti Ewlieni wara karriera twila ta’ 36 sena fis-Settur Pubbliku li fiha kien pijunier fl-użu tat-teknoloġija tal-informatika. Fost l-oħrajn, hu serva bħala Chairman Eżekuttiv tal-Malta Information Technology Agency (MITA) minn April 2013.

Din il-ħatra waslet wara n-nomina mill-Prim Ministru Robert Abela, u l-approvazzjoni tal-Kabinett tal-Ministri u l-Kummissjoni dwar is-Servizz Pubbliku.

Is-Sur Sultana hu ggradwat fil-Matematika u l-Computing mill-Università ta’ Malta u fil-Management mill-Università ta’ Anglia fir-Renju Unit.

Huwa se jkun qed jieħu post is-Sur Mario Cutajar, li mexxa s-Servizz Pubbliku fl-aħħar disa’ snin u li rtira bl-età.