Il-ħidma fil-qasam soċjali qed tkompli tagħti riżultati konkreti, hekk kif 82% tal-miżuri tal-Budget 2026 fdati lill-Ministeru għall-Politika Soċjali u d-Drittijiet tat-Tfal diġà ġew implimentati fl-ewwel kwart tas-sena.

Permezz ta’ dawn il-miżuri, qed jiżdied l-appoġġ dirett lill-familji, b’mod partikolari lill-ġenituri li jaħdmu u lil dawk li jieħdu ħsieb tfal b’diżabilità. Fosthom hemm l-In-Work Benefit, li se jilħaq 22,885 ġenitur-ħaddiem b’investiment ta’ €4.3 miljun, flimkien ma’ żieda fir-rati għal kull wild.

Qed jissaħħu wkoll miżuri oħra importanti bħall-Carers Grant, titjib fil-pensjonijiet tal-invalidità u allowances għal romol bit-tfal.

Dan kollu juri kif, permezz tal-ħidma li qed twettaq l-amministrazzjoni pubblika flimkien bl-għajnuna tal-ministeri, il-miżuri soċjali qed jiġu implimentati b’mod effettiv u fil-ħin, b’fokus ċar fuq il-bżonnijiet tan-nies.