Il-lecturers tal-Junior College se jgawdu minn kundizzjonijiet aħjar u opportunitajiet biex ikomplu javvanzaw fil-karriera tagħhom. Dan il-ftehim kollettiv kien it-12-il wieħed innegozjat fl-aħħar ħames xhur, bis-Servizz Pubbliku jkompli jipprijoritizza l-investiment fil-ħaddiem.
Il-ftehim se jwassal għal titjib sostanzjali fil-pakkett finanzjarju u l-kundizzjonijiet tax-xogħol, filwaqt li ġie introdott ukoll Qualification Allowance għal ħaddiema li jkollhom PhD jew it-tieni, jew is-sussegwenti kwalifika ta’ Masters.
Permezz tal-ftehim ġie rikonoxxut il-Masters in Teaching and Learning bħala kriterju fir-reklutaġġ ta’ Junior College Assistant Lecturer, Junior College Lecturer kif ukoll Junior College Senior Lecturer I.
Il-ftehim jaħseb ukoll biex ikun hemm tnaqqis fis-snin ta’ servizz meħtieġa biex l-istaff akkademiku tal-Junior College jipprogressa minn Assistant Lecturer għal Lecturer kif ukoll għal Senior Lecturer 1. Dan filwaqt li l-Academic Enhancement Leave se jara tnaqqis ta’ aggregat ta’ tmien snin servizz.
Il-ftehim intlaħaq wara perjodu ta’ diskussjonijiet bejn il-partijiet kollha involuti, u jkopri s-snin mill-2019 sal-aħħar tas-sena 2023.
11.08.2022
5 minutes
.png)
.png)
.png)