Merħba fuq dan is-sit elettroniku tas-Servizz Pubbliku.

Matul dawn l-aħħar snin is-Servizz Pubbliku kompla jaġġorna dejjem iżjed biex jersaq iktar qrib iċ-ċittadin. Fil-Public Service Expo ta’ din is-sena qed niddiskutu l-ħiliet tal-uffiċjali pubbliċi. X’ħiliet għandna fil-preżent u x’ħiliet għandna bżonn f’dinja li dejjem qed tevolvi? Kif se nużaw it-teknoloġija emerġenti biex nibqgħu ntejbu s-servizzi tagħna. Kif se nikkordinaw is-sistema edukattiva biex tipprepara l-istudenti tal-lum, u jsiru l-ħaddiema fl-amministrazzjoni pubblika ta’ għada?

Dan is-sit elettroniku qed jingħata dehra ġdida għaliex nemmnu li anke biex inwasslu l-messaġġ tagħna, għandna bżonn għodod ġodda. Fost oħrajn ma’ din il-verżjoni tas-sit, qed inżidu search engine li tfittex dak kollu li għandu bżonn il-klijent mid-database ta’ servizzi tal-Gvern, chatbot biex iċ-ċittadin ikun jista’ jinteraġixxi magħna direttament, kif ukoll possibilitajiet li tagħżel siti governattivi li tuża ta’ spiss u tagħmilhom favourites fil-profil tiegħek. Is-sit qed jingħata dehra ġdida wkoll f’termini ta’ aċċessibbiltà.

Dan mhux se jkun l-ewwel u l-aħħar li se jsiru kambjamenti fuq dan is-sit. L-investiment fuqu se jkompli jsir ħalli nibqgħu aġġornati maż-żmien. Qed isir ukoll investiment fil-midja soċjali b’team ta’ marketing iddedikat għaliha. Ħalli jkollna midja b’saħħitha u interessanti.

Dan għax nibqgħu nemmnu f’komunikazzjoni kontinwa mal-klijenti tagħna, mhux biss komunikazzjoni mingħandna għal għandkom imma wkoll viċi versa. Biex nibqgħu ntejbu b’mod kontinwu.

Grazzi tal-fiduċja tagħkom fina li aħna b’responsabbiltà rridu nsarrfuha fl-aqwa servizzi għalik.