Tixtieq tirrapporta skart u rimi illegali? Is-Servizz Pubbliku għandu soluzzjoni diġitali biex jiffaċilita dan. Tista’ tagħmel użu minn applikazzjoni tal-mobile dedikata għal dan l-iskop, il-‘Clean & Upkeep App.’

Permezz ta’ din l-applikazzjoni, iċ-ċittadin jista’ jieħu ritratt u jibagħtu direttament lill-awtoritajiet konċernati. Jekk l-utent ikollu l-geolocation mixgħula, il-post eżatt jintbagħat awtomatikament ukoll mal-messaġġ. Iċ-ċittadin jista’ jibqa’ anonimu.

Minbarra żibel u rimi illegali, wieħed jista’ jirrapporta wkoll tindif ta’ culverts, letrini pubbliċi, bajjiet, knis fit-toroq, ġbir ta’ annimali mejta u tbattil ta’ litter bins fost oħrajn. L-app tagħtik ukoll aġġornamenti kostanti dwar ir-rapport tiegħek.

Il-‘Clean and Upkeep App’ ġiet żviluppata mid-Diviżjoni tat-Tindif u l-Manutenzjoni (CMD), u saret il-pjattaforma ewlenija tagħha biex tissorvelja kull pass tal-proċess tat-tindif ta’ pajjiżna, b'kull attività tiġi mmonitorjata mill-bidu sat-tmiem.

L-app tista’ titniżżel minn Google Play Store jew iOS Store​.