Il-mobile app tal-Agriculture and Rural Payment Agency BiedjaCam isservi bħala mezz ta' komunikazzjoni bejn l-Aġenzija u l-bdiewa lokali. App bħal din tipprovdi lill-utenti (bdiewa) bi pjattaforma li permezz tagħha l-Aġenzija tista' tikkomunika direttament mal-bidwi bi kwalunkwe avviż, talba għal informazzjoni, kjarifiki, eċċ. Il-funzjonalitajiet tal-app għandhom ukoll l-għan li jnaqqsu l-ħtieġa għal verifiki fuq il-post imwettqa fuq l-azjendi agrikoli, peress li ċerti kontrolli jistgħu jitwettqu bl-użu ta' immaġni bis-satellita, filwaqt li l-utenti jistgħu jissottomettu ritratti geotagged permezz tal-app bħala evidenza għal kwalunkwe verifika mwettqa mill-Aġenzija. Sistema bħal din hija ta' benefiċċju għall-bdiewa li jistgħu jieħdu azzjoni biex jindirizzaw ċerti problemi fil-ħin u għalhekk jiżguraw li jirċievu pagament sħiħ taħt l-iskemi ta' appoġġ li qed jibbenefikaw minnhom. Barra minn hekk, l-App tipprovdi wkoll lill-bdiewa bl-informazzjoni kollha li jeħtieġu inkluż dwar il-pagamenti riċevuti taħt id-diversi skemi ta' appoġġ amministrati mill-ARPA.

BiedjaCam titniżżel minn Apple Store u Google Play.​​