Dar il-Mistrieħ, jew kif inhi magħrufa aħjar, id-Dar tal-Furjana, ilha tipprovdi kura lill-anzjani għal aktar minn 35 sena. Billi nħasset il-ħtieġa urġenti għall-modernizzazzjoni, matul l-aħħar xhur din id-dar għaddiet minn rinnovazzjoni sinifikanti biex tilħaq l-istandards kontemporanji meħtieġa għall-kura residenzjali.

Ir-rinnovazzjoni kienet tinkludi tisħiħ sħiħ, mill-infrastruttura sal-amenitajiet, sabiex jiġi żgurat li kull aspett tad-dar jilħaq l-ogħla standards. Fost ix-xogħlijiet li saru kien hemm:

• Introduzzjoni ta' sistema moderna ta' arja kkundizzjonata; 
  
• Waterproofing; 
  
• Rinnovazzjoni sħiħa tal-kmamar tal-banju komuni u l-en-suites fil-kmamar tar-residenti;
  
• Tikħil u żebgħa; 
  
• Għamara tal-kmamar;
  
• Siġġijiet u mwejjed ġodda; 
  
• Reception u nursing stations b’għamara ġdida;
  
• Bibien u aperturi ġodda; 
  
• Kċina b’għamara ġdida; 
  
• Purtieri, dividers, u covers tas-sodda;
  
• Suffetti u dawl modern; 
  
• Art tal-vinyl mad-dar kollha; 
  
• Salon tax-xagħar; 
  
• Titjib fl-aċċessibbiltà, bħal poġġamani f'żoni komuni;
  
• Klinika multidixxiplinarja, mgħammra b'tagħmir mediku speċjalizzat. Din il-klinika se tiżgura li r-residenti kollha jirċievu kura ħolistika u personalizzata f’ambjent privat u dinjituż